Ra’iisal Wasaaraha Dalka Croatia oo is Casilay

Croatia (Waryatv.com), Ra’iisal wasaaraha dalka Croatia Ivo Sanader ayaa ku dhawaaqay in uu gabi ahaanba iska casilay xilkii Ra’iisal wasaaranimo ee uu ku hayay wadanka Croation.

Warbaahinta wadanka Croatia ayaan haba yaraatee hore u shaacin markii uu iscasilay Ra’iisal Wasaare Ivo Sanader iyada oo aan taasi wakhti xaadirkan laga filaynin.

Ivo Sanader oo ka hadlaayey xilka uu iska casilay ayaa yidhi “waxaan go’aansaday in aan iska casilada gabi ahaanba siyaasada dalka Croatia wakhti xaadirkan, mar kale ayaan soo istaagi doonaan murashax nimada madaxweynenimo ee dalka”

Waarbaahinta dalka Croatia ayaan ilaa hada si cad uga faaloon sababta keentay in hada Sanader uu xilka iskaga dego, balse wararka qaar ayaa sheegay in tani ay sabab u tahay kadib markii dhaqaalaha dalka Croation uu hoos u dhacay boqolkiiba 10.

Dhaqaalah dalka Croatia ayaan heerka maanta lagu cabiray gaadhin mudo hada laga joogo 10 sano.

Raad Raac

Ivo Sanader waxa uu xilka ku guulaystay sanadkii 2003 bishii December, waxaana uu ka tirsan yahay ururka Croatia Democratic union, waxaana uu ku soo biiray horaantii sanadkii 1980, waxaa uu dalka ka soo qabtay xilal kala duwan 1992-1993 waxa uu ahaa wasiirka tacliinta iyo tiknoolajiyada in kastoo aanu kiu sii raagan wakhtigaas.

Ivo Sanader, laga soo bilaabo 1993-2000 waxa uu ahaa la taliyaha wassiirka arrimaha dibada, waxaanu xiligaasi ku guulaystay.

Dhamaadkii November 1995 waxa uu Sanader noqday madaxa ugu sareeya xafiiska madaxweynaha iyo xoghaya guud ee dalka Croatia    

Xafiiska Wararka ee Waryatv

Burao/Somaliland

Reported by:-

Ibraahim Abdirahman Qaasim

Ibrahimqasim@waryatv.com

© 2009 WaryaTV Sweden. All rights reserved. This material may not be published, broadcast, rewritten or redistributed.