Lamaane Aad Ugu Waalan Isticmaalka Internet-ka Oo Xabsiga Loo Taxaabay Kadib Markii Ay Dhimatay Gabadh Yar Oo Ay Guriga Ku Sii Xidheen

Kuuriyada Koonfureed (Waryatv.com), Lamaane six ad dhaaf ah u isticmaalka computer-ka gaar ahaan Internet-ka ayaa shaley Booliiska wadanka Kuuriyada Koonfureed xabsiga u taxaabeen ka dib markii silic iyo darxumo ay u dhimatey gabar oo ay dhaleen.

Lamaanahan ayaa mudo 12 saacadood waxay ku jireen Internet Café iyagoo gabadhooda oo 3 bilood jirta uga soo tagey sariir ay ku jiiftey isla markaana gurigii kor uga soo xidhay si ay u soo isticmaalaan Internet-ka.

Dhacdadan oo ka dhacdey magaalada Suwon ee dalka Kuuriya Koonfureed waxaa la soo sheegay in hada waalidkaasi loo hayso dayac iyo dar xumo ay gaajo ugu dileen gabadhooda, iyagoo ciyaarayey game-ka computare-da wakhti badan ku bixiyey.

Gabadha yar ee hooyadeed iyo aabaheed dayaceen waxaa la sheegay in ay u dhimatey gaajo, iyo sariirta oo ay ku cadibantay ka dib markii ay qoorta la gashey meel aysan ka bixi karin, waxaana ay ku sugneyd xaaladaasi adag mudo 12 saacadood.

Lamaanaha dayaca ku dilay gabadhooda ayaa la sheegay in habeenkii oo dhan ay ku ciyaarayeen computer isla markaana 12 saac ka dib markii ay guriga ku soo laabteen ay la kulmeen gabadhii oo sariirta dul saaran oo meyd ah, waxaana ka dib ay u waceen Booliiska iyagoo u sheegay sida ay wax u dhaceen taasi oo keentey in xabsiga loo taxaabo.

Ninkan iyo haweenaydan oo lagu magacaabo Kim Yoo-chul oo 41 sano jir ah iyo Choi Mi-Sun oo 25 sano jir ah ayaa haatan lagu hayaa baaritaan iyadoo lagu wado in maxkamad la soo taago sida uu sheegay baadhe ka tirsan ciidamada Booliiska oo lagu magacaabo Chung Jin-Won.

Kim iyo Sun ayaa horey loo ogaa waalida ay ku qabaan Internet-ka iyo Game-ka computer-ada, waxaase gabadhan yar ay dhaleen hada ka hor ka waday Kim qoyskiisa ka dib markii la ogaaday sida ay hadh iyo habeen u dul taagan yihiin Internet-ka, balse todobaadkii hore ayaa gabadhooda loo soo celiyey ka dib markii ay balanqaadeen inay ka soo baxayaan masuuliyadooda ay hada ku guuldareysteen.

Game-ka computer-ada gaar ahaan kan khamaarka iyo shaqada ayaa dalkaasi Kuuriya wuxuu ka yahay arin ay dadku aad ugu badan yahay, dad badan oo nolol hoose ku noolaa ayaa lacago ka sameeyey taasi oo keentey in boqolaal qof ay ku cunto iyo hurdo seegaan isticmaalka Internet-ka iyo Game-ka.

Nin isla dalkaasi Kuuriyada Koonfureed u dhashey oo 28 sano jir ah ayaa ku dul dhintey computer uu game ku ciyaarayey ka dib markii mudo 50 saacadood ah aanu wax biyo iyo cunto ah afkiisa saarin.

Ninkan iyo haweenaydan gabadhooda dayaca Internet-ka awgiis ay u dhimatey waxay sanadkii 2008-dii isku barteen wada sheekaysiga Intetnet-ka (Chatting) sida ay qortey wakaalada wararka u faafisa dalka Koonfurta Kuuriya.

© 2009 WaryaTV Sweden. All rights reserved. This material may not be published, broadcast, rewritten or redistributed.