Nuxurka Kulan Dhex Maray Qaar Ka Mida Hayadaha Caalamiga iyo Raxan Wasiiro Oo Ka Tirsan Xukumada Rayaale
Hargeysa (Waryatv.com), Raxan Wasiiro ah oo ka tirsan Xukumada Somaliland ayaa maanta kulan balaadhan la yeeshay qaar ka mid ah hayadaha caalamiga ah ee ka hawl gala Somaliland.
Kulankan ayaa ku qabsoomay xarunta ka hortaga Aafooyinka
Dabeeciga ah ee marka magaceeda la soo gaabiyo la yidhaahdo NERAD, waxaana
lagaga hadlaayey sidii gurmad loogu fidin lahaa dadka ku waxyeeloobay Roobabkii
gu’ga ee ka curtay Somaliland gaaar ahaana magaalada Gobolka Maroodi Jeex.
Wasiirada kulanka la qaatay Hayadaha oo tiro ahaan
gaadhayey shan Wasiir ayaa waxaa hogaaminaayey Wasiirka Wasaarada Qorshaynta
Qaranka Somaliland Md Cali Ibraahim Maxamed (Sanyare).
Wasiirka Qorshaynta Somaliland Md. Cali
Ibraahim Maxamed, oo ka hadlay shirkaasi ayaa sheegay in xukuumaddu si deg deg
ah gurmad raashin ah u gaadhsiin doonto deegaanadii ay tobaadkii hore kormeerka
ku soo mareen ee kala ahaa degmada Magaalo Cad, Allaybaday iyo Wajaale.
Wasiirku wuxuu tilmaamay inay Hay'adaha ugu
yeedheen si ay ugu gubiyaan macluumaadka khasaaraha ka dhashay Roobkii, waxaanu
Wasiirku sheegay inay jiraan dad ay la soo gudboonaatay hoy la’aan, kadib
markii Roobabka gu’gu ay si weyn u wax-yeeleeyeen.
Wasiirada kulankaasi maanta ka qayb galay waxaa ka
mid ahaa Wasiirka Qorshaynta iyo
xidhiidhka caalamiga ah Md Cali Ibraahim Maxamed (Cali Sanyare), Wasiirka Dib u
dejinta, Wasiirka Ganacsiga, Wasiirka Arriaha Guddaha, sidoo kale waxaa
kulankaasi ku wehelinaayey Guddoomiyaha ka hor taga aafooyinka dabeeciga ah
Maxamed Muuse Cawaale.
Todobaadkii hore ayaa raxan wasiiro ahi ay gaadheen
deegaanada Balicabane iyo Tog Wajaale, kuwaas oo ay ku dhufteen Roobab aad u
baaxad weyn, isla markaana waxay kooxdan wasiirada ahi ay soo qiimeeyeen
baxaada uu leeyahay khasaaraha soo gaadhay deegaanadaas, hase yeeshee
wasiiradani waxay ahaayeen kuwo ka fara madhan wax gar gaar ah oo ay u fidiyaan
dadka ku nool goobaha ay soo mareen.
Si kastaba ha ahaatee xayntan Wasiirada ahi waxay farta ku godeen in sida ugu dhakhsaha badan leh gar gaar deg deg ah loo gaadhsiiyey dadka ay afeeyeen Roobabka Gu’gu.
Xafiiska Wararka ee Waryatv
Hargeysa/Somaliland
Reported by:-
Abdiqani Abdilaahi Asporo
© 2009 WaryaTV Sweden. All rights reserved. This material may not be published, broadcast, rewritten or redistributed.