Gudoomiyaha Guurtida “Ooda Laga Qaadi Maayo, Sheekhii Waynu Sugayaan Waana Khasab In Uu Yimaado”
Hargeysa
(Waryatv.com), Kulankii maanta ee golaha guurtida Somaliland ayaa dib u furay
kadib markii laba cisho ka hor laysku arkay qado casuumad ah oo uu fiday Sh
Axmed Sh Nuux furre.
Kulanka waxaa
hogaaminaayey Saaka Guddoomiyaha guurtida Md Saleebaan Maxamuud Aadan
(Saleebaan Nuur), waxaana la guddo galay xeer cusub halkii la filaayey in
maanta goluhu isa saamaxo, xeer kaasi la ayaa ahaa xeerka xakaymanta hubka
fudud.
Gudoomiye Saleebaan
ayaa ka dhawaajiyey in saaka uu Guddoomiye ku xigeenkii kowaad ee Goluhu uu
xanuusanaayo, sidaas daraadeed maalinta bari ah dib loogu dhigo balantii dhex
taalay Golaha ee ahayd isa-saamaxaada.
Hase yeeshee xanuunka
uu soo sheegtay Sh Axmed Sh Nuux Furre waxaa ku gacan saydhay xubno ka tirsan
Golaha guurtida, waxaanay ku tilmaameen xauunka Sheekh mid aanay waxba ka
jirin.
“Midh Intaas leeg ma
qabo ee wax-baad qarsanaysaan Shir-gudoon ahaan” sidaasi waxaa yidhi xildhibaan
ka mida xildhibaanada guurtida, hadalkaasi ayaa Saleebaan Maxamuud Aadan Guddoomiyaha
guurtida ku abuuray dareeno kala duwan, waxaanu ku jawaabay
“Waxba qarsanmayno,
umaanaan tagin ee sidaas ayuu nagu yidhi “Muslinow run sheeg Muslinawna run uga
qaado” sheekhi waan xanuusanayaa ayauu yidhi oo ma soo kici karo”
Guddoomiye Saleebaan
ayaa sheegay in uu aad u rabaan shir-gudoon ahaan furitaanka Golaha, isaga oo
ka hadlay is marin waaga Golaha ayaa waxa uu yidhi
“Arrintani way
raagtay waxaase loo baahan yahay in aynu gun-ka gaadhno, kal-fadhigina uu dhaw
dhaw yahay, laakin kala tagi-mayno inga oo dhan u wada dareerayna mooyee, Ooda
laga qaadi mayo, Sheekhii waynu sugayaan waana khasab in uu yimaado”
Khilaafka golaha ayaa
laga yaaba in maalinta bari ah uu so oaf-jarmo, hase ahaatee waxaan ilaa hada
si rasmi ah loo ogayn in Sh Axmed Sh Nuux Furre xanuun rasmi ah ku maqan yahay.
Xafiiska Wararka Ee
Waryatv
Hargeysa/Somaliland
Reported by:-
Ibraahim Abdirahman Qaasim
(Qaasim)
© 2009 WaryaTV Sweden. All rights reserved. This material may not be published, broadcast, rewritten or redistributed.