Guddiga Joogtada Ee Golaha Wakiilada Oo Kulan La Qaatay Wafti Ka Sacda Dalka Switzerland

Hargeysa (Waryatv.com), Guddiga joogtada ah ee Golaha wakiilada ayaa maanta kulan la yeeshay wefti ka socda dalka Switzerland.

Sida uu shabakada wararka ee WARYATV u xaqiijiyey Guddoomiye ku xigeenka guddiga joogtada Xil Axmed Maxamed Diiriye (Nac nac), kaas oo sheegay in ay guddigan si qoto dheer uga wada-hadleen wakhiga ugu haboon ee ay ku qabsoomi karaan doorashooyinka Somaliland, gaar ahaan doorashada madaxtooyada.

Weftigan ka socday dalka Switzerland oo hogaaminaayo safiirka Switzerland u fadhiya dalka Kenya Mr. Michal Cohied iyo khabiir ku xeel dheerka arrimaha doorashooyinka oo magaciisa la yidhaahdo Julian Hohlinger.

Guddi hoosaadka joogtada ah ee Golaha wakiilada Somaliland ayaa weftigan waxa ay ku adkeeyeen inay si-weyn indhaha ugu hayaan arrimaha dooorashooyinka ee Somaliland, isla markaana waxa ay  ka codsadeen inay ka qayb qaataan dar-dar galinta doorashada madaxtooyada, taas oo sheegeen inay dhawr jeer dib u dhacday doorashada Madaxtooyadu, isla markaana ay abuurtay murano siyaasadeed oo cirka isku shareeray.

Sidoo kale Guddi hoosaadka Joogtada ee Golaha wakiilada ayaa u soo bandhigay Waftiga wakhtiga ugu haboon ee la qaban karo doorashada Madaxtooyada, taas oo ay sheegeen inay qabsoomi karto bilaha afraad iyo  shanaad ee sanadka 2010.  

Ilaa hada lama oga xogaha rasmiga ah ee ku duugan kala shaandaynta Server-ka iyo mudada uu ku qaadan-karo khubarada hada gacanta ku haysa iyo koomishanka doorashooyinka qaranka.

Tan iyo wakhtii la magaacabay xubnaha koomishanka doorashooyinka ee cusub ayaa wali ku guda jira sidii ay soo saari la-hayeen natiijo rasmi ah oo qancisa dhinacayada ku loolamaya doorashooyinka ay iyagu (Komishanku), garsoorka ka yihiin, taas oo dad badani aamin-saneeyeen inay mudo yar oo kooban qaadanayso, hase yeeshee ay ku dheeraatay sidii ay u shaandhayn lahaayeen natiijada codbixiyayaasha doorashooyinka ee ku xaniban Server-ka.

Xafiiska wararka ee Waryatv

Hargeysa/Somaliland

Reported by Abdiqani Abdilahi Ahmed

(Asporo)

Asporo4live@hotmail.com

© 2009 WaryaTV Sweden. All rights reserved. This material may not be published, broadcast, rewritten or redistributed.